Rusiye arbiyleri avgustnıñ 8-ne keçer gecesi Ukrayinağa 104 darbe Shahed uçucısızınen, çeşit taqlit uçucısızlarınen ve sekiz süratlı (reaktiv) uçucısızlarnen ücüm etti, dep bildirdi Ukrayina Silâlı quvetleriniñ Ava küçleri. Bir qısmı işğal etilgen Qırımnıñ Çavda burnundan uçurıldı.
«İlk malümatqa köre, saat 08:00-ge qadar ava mudafaası 82 ava nişanını tüşürdi/bastırdı: üç reaktiv uçucısız ve 79 duşman Shahed uçucısızı ve memleketniñ şimali, cenübi, şarqı ve merkezinde çeşit taqlit dronlarınen», – dep aytıla haberde.
Ava quvetleriniñ qayd etkenine köre, 10 yerde 26 dronnıñ ücüm etkeni, sekiz yerde parçalarınıñ tüşkeni qayd etildi.
Rusiye arbiyleri Ukrayina regionlarına çeşit silâlarnen muntazam sürette ücüm ete.
Rusiye yolbaşçılığı, Rusiye ordusı Ukrayinanıñ şeer ve köyleriniñ grajdan infrastrukturasına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
